حلمي ترى ماهو بعادي مساره
الله يكافيكم جنوني وشرّه
اقدام حظي ابعدت عن دياره
كانت بخيلة ماتريد المسرّه
يا مفسرين الحلم هاتو بشاره
شفته حبيبي حول خمسين مره
خمسين مره (يا) وانا بنتظاره
يا ليتها زادت بتسعين كرّه
نادي على اسمي وابتسم في اثاره
ثارت براكينه بجوّه وبرّه
بين الشرار اللي طغى باحمراره
فجأه ظهر خاتم مطعّم بدرّه
عقد وسوارين انكسر في غضاره
حلمٍ عجيب ٍ في محيطه وسرّه
من فسره لي بالربيع وخضاره
وأنه بخير وحلم مابه مضرّه
بعطيه من ليلي جنود ٍ واماره
قصرٍ خرافي فوق نجم المجرّة