يا داار عزك من معزي ورثتيه
وحنّا الفخر في سيرته وارثينه
يادار ياللي في ترابش حضنتيه
وين الذي داخل ثرى العود وينه
هذا شبيهه والمواري مواريه
والفعل فعله والفخر تو عينه
العُرب تفخر به من الهيه للهيه
هذا محمد طول الله سنينه
تاج الزعامه والكرم والظفر فيه
شيخ ٍيلوح النصر في حاجبينه
شيخٍ على سنة محمد مباديه
يذود عن داره وشعبه ودينه
ولي عهد وله ولانا نواليه
الله على حمل الامانه يعينه
هذا ولد سلمان. والعز بانيه
ابن المليك اللي يقود السفينه
هذا هو اللي طيبات مجانيه
متوارثٍ الطيب من منسبينه
شيوخ يام أهل المواقف عوانيه
راكان وابن سعود. متجاذبينه
صميدعٍ فوق الثريا هقاويه
فيه السياسه والدهاء شايفينه
عوق الخصوم اللي هدفها تعاديه
درع الوطن من زمرة طامعينه
ون ثارت الهيجا يزعزع عزاويه
في سربٍ يدك الدروع الحصينه
سربٍ مثل سرب القطا يوم اراعيه
لكن ياكبر الفرق. بينه. وبينه
سربٍ شعار الدين والمملكه فيه
في ظل توجيه العقول الذهينه
القوة اللي ناصر. الحق ترضيه
واللي يضد الحق تبت يدينه
جيشٍ على نهج المؤسس تفانيه
جيشٍ لصكات الزمن محتسينه
ياخذ من محمد وصايا وتوجيه
وحنا ثقتنا في محمد متينه
تخضع له كبار العمايم. وترضيه
وتثني عليه اهل اللغات الرطينه
يسرح نهاره ون ضوا الليل يسريه
وتظهر علامات السعد في جبينه
كريم سبلا ماتعدد حسانيه
ترهي على جزل العطايا يمينه
يامير يامنصى. كبار. المشاريه
زبن. الوحيد. ونعم. والله. زبينه
هو هقوة اللي ضايعات مراويه
وهو ذخرنا اللي للقسا ذاخرينه
وحنّا. قبايل يام والعهد نوفيه
ولك الولاء بقلوبنا حافظينه
الأمر منكم لو فنينا نلبيه
والارواح تبقى في طلبكم رهينه
عدونا من طبعنا مانداريه
وفي دقلنا فرقا الضنين لضنينه
بارواحنا نحمى وطنّا. ونفديه
ونستنكر اهل التفرقه والضغينه
هذا وطنا اللي نحبه ونغليه
وعاش العلم الاخضر بامان وسكينه
الشاعر/سعيد ظافر بيرم اليامي
