وهج نيوز - بقلم الكاتبة : جميلة خميس  

ابتعدنا من سنين و زادني بعده هيام
كنّه بقربي وصوته يحتضن ليلٍ تمنيته

اعشقه سرّ و جهر وصل و هجر نور وظلام
يا حلا غرب الجهات الاربعه يومن هويته

مخملية نادرة غير الخلايق ف الغرام
عاصية وقت الرضى وعند الزعل ماقدْ عصيته

مخلصة شمسي تجاور كوكبه جيرة كرام
في عوالم خارطة صبري وكيف إني لقيته

لي عظيم العشق ولذاتي رفيعات المقام
لي جميل الحرف ولشعري غروره لو نخيته

صاحبي شوق وله ماطر ويرسمني غمام
نغرق الساحة شعور محب حالم يافديته

هو ولي أمر الهوى وعرش الخفوق اللي منام
ابحياته لين يرسم في خيالي طيف بيته

روحي تعانق عطوره في فضاءآت السلام
لو بعاده كالنجوم اللي تشوفه مانسيته