وهج نيوز - بقلم علي بن حمد بن شويل ال فطيح  

يالله يالمعبود رب البرايا
يامنزل الفرقان والملك والتين

أوصيك يا مشاري بحسن النوايا
حتى لو انك بين قومن معادين

خلك عزيز وصاحب اهل الحمايا
اهل الوجيه البلج كنهم سلاطين

يا مشاري اوصيك هرج القفايا
لا تنقله يابيك بين الفريقين

وحافظ على اذكارك صباح ومسايا
وصل الفروض الخمس مع المصلين

وطع والدينك ياكريم السجايا
واوصل وبر وخل عنك القطوعين

وارفع مقامك عن صغار الحكايا
الكلمة الجزله طباع النزيهين

وأكرم ضيوفك بالشحم فالصنايا
والطيب والدله مع الخاطر الزين

ومكارم الاخلاق بين الحنايا
معروف راعى الخلق بالرفق واللين

هذي وصايا عظها بالثنايا
والعلم لا تتركه لوهو ورى الصين

وختامها يحفظك جزل العطايا
وصلو على اللي خاتم للنبيين

علي بن حمد بن شويل ال فطيح