الشتاء برده قسى واحساس قلبك
بالحنين اللي رعش لاقصى مدا
فاقد ٍ عطر المساء اللي كان قربك
فاقد ٍ همس ولحن مني شدا
ارجع لقلب ٍ يودّك زاد ذنبك
بالفراق اللي كسر ظهر و غدا
يا الغلا ما للحطب داعي وربك
حتى لو تلبس رداء تبت يدا
الدفى في كلمة ٍ توصل محبك
ياعسى قلبك لها اليوم اهتدى
قول أحبك ثم أحبك ثم أحبك
لين تشعر بالدفى سحره بدا
صار مغلوب الهوى وغالب بحبك
ياجنوني والجنون اللي فدا
حايرة ضيّعتني في فن حربك
والمهم اني معك وردة هدا
جميلة خميس