ليل وحبر مع دفتر ابيض وتفكير
ووجه الحزين المنكسر فالمرايه
شتات من ذكرى قديمة وتصوير
وكلمة وداع (ن) قلتها .. فالنهايه
ياجاير اجروحي أنا احتاج تخدير
جرعة امل منشان أكمل شقايه
كف الوصل يبغى مصافح وتقدير
وكف الهجر ماصافح إلا عطايه
عطيت لين انهيت ياراجي الخير
ولا خذيت إلا الحسد والوشايه
وش باقي اكتب عنه ياسالم الزير
والناس ماتعرف اصول القرايه
ماتعترف بالحرف فناً وتعبير
تاخذك من درب الهدى للغوايه
لكني اطرح فكرتي دون تكرير
تكرار طرحي مايحدد …..مدايه
أنا عروقي ضاميه والشعر بير
اورد عليه الفكر واروي ضمايه
الشاعرة -#شموخ_المالكي