وهج نيوز - بقلم الشاعرة : جميلة الخميس
انت البعاد اللي كواني واعتِرف
واحزن خفوق ٍ كنت له حلم وملاذ
منّي وصال و منك صدٍّ مقتِرف
كل الخطأ والبعد عني وانتباذ
درب البشاير والأمل عين ٍ تِرف
مات الامل واللي بقى هاجر ولاذ
هجرك جروحه دامية يا محتِرف
حتى نوى رِدّة حروفي و العياذ
عن وصف حبّي لك وعشق ٍ يغتِرف
قوت الصبر من ثغر وردك والرذاذ
واقبل مقاديم السحاب اللي يرف
واثر القناعة كنز عن هذا وهذ
تبقى حبيبي ابك شعري يعترف
لو نبتعد ( يا) حبنا ماله نفاذ
