*أبوي*
أبوي رباني على رفعة الراس
من يومها وراسي لغير ربي ما اصغرا
أبوي علمني كل شيءٍ وله مقياس
ما نوزن الذهب مع معدن ولا جوهرا
ولانخلط صافي الجوهر مع انحاس
واللي يبيعك مهو بمثل اللي شرا
وماكل مايلمع نقول عنه الماس
بعض الكتب مليّا ولكن ما تنقرا
وبعض الأوادم علمها بقرطاس
والعقل فاضي لا يفهم ولا يفكرا
وبعض الأوادم ماتبي درّاس
تحكم وتامر والشور شور أُمرا
فقيدة الدنيا والدار والجلاس
مالك شبيه مع الناس ولا خشرا
أقفيت وخليتني ما بين الأنجاس
أقصى ضمايرهم متغمغمه بالثرى
ماعاد ندري منهو فيهم كريم الساس
تخالطوا طيبهم مع رداهم مايندرى
والعلم كله يابوي من بعدك انحاس
وابارنا جفت و ميهانهم حولي منثرا
يا ابوي.. حبك بقلبي ماله قياس
من عادني طفلة ويزيد كل ما أكبرا
وسلام ربي عليك بأعداد جر الانفاس
وبعداد ما أذن مؤذن وكل ماكبرا
يالله طلبتك تجمعني با اطيب الناس
وختامها صلاة ربي على خير الورى